Ipahigayon sa kagamhanan ning syudad ang usa ka dakong job fair karong umaabot Mayo uno ning tuiga alayon sa kasaulogan sa ika-117th Labor Day.
Kini himoon sa Limketkai Mall Atrium nga sugdan mga alas otso sa buntag.
Ang maong kalihukan salmotan sa mga representante sa NBI, SSS, BIR, PSA, Philhealth, LTO, DFA, OWWA, POEA, DSWD, CSC, PRC, PNP ug PHILPOST alang sa one-stop shop services booth.
Tumong niini nga mas mapadali ang pagkuha sa pre-employment requirements.
Magpahigayon usab ang DTI ug TESDA sa livelihood / entrepreneurship talk, skills training ug information dissemination bahin sa ilang gitanyag nga scholarship program.
Naghulat sa mga aplikante ang kapin diyes mil ka mga trabaho, lokal o overseas gikan sa kapin 100 ka pribadong mga kompanya sa nasud nga gilaumang mosalmot sa job fair.
