Mokabat sa kapin kon kulang 25 million pesos nga salapi ang nakuha sa dakong scammers ning syudad sa Cagayan de Oro gikan sa mga senior citizens nga ilang gibiktima.
Mao kini ang gibutyag ni Councilor George Goking nga Chairman sa Committee on Trade and Commerce sa City Council.
Apan wala pa ibutyag ni Goking ang ngalan sa mga suspects samtang iya pang ipatawag pag-usab sa City Council ang maong mga suspitsado sa iyang subling meeting karong adlawa.
Matud ni Goking nga ang mga suspects nag-negosyo ug Herbal ning syudad apan mi-intra kini sa Scam pinaagi sa pagdani sa ilang mga customers nga mo-invest sa ilang mga produktong Herbal.
Gibutyag ni Goking nga nagdesisyon ang iyang committee nga ang reklamo nga iyang nadawat ila lang una nga itugyan sa NBI alang sa dugang Investigation.
Nagpahimangno si Goking sa publiko nga likayan ang pag-invest sa ingon niini nga negosyo aron makalikay sa mga impostor nga mga scammers.
