BACOLOD CITY – Pito ka mga tawo ang ginpangsikop sang pulis matapos nadakpan nga nagahampang sang cara y cruz ukon hantog kaina sang kagab-ihon sa Brgy. 8, Bacolod City.
Sa ginpatigayon nga operasyon sang Police Station 2 sa pagpanguna sang hepe sini nga si PCI Benedicto Villarias Jr., gindakup sanday John Treyes, 21 anyos, Reydhine Esblanca, 24, John Paul Borromeo, 24, Angelito Diola, 42, Renzo Gonzales, 24, Amadeo Hollero, 34 kag Cyrgene Hans Gonzales, 23 anyos.
Ginpahayag nga ang mga suspek ang gindakup may mga las 12:40 kaina sang kagahon sa Purok Narra Baybay, Brgy. 8 ciudad sang Bacolod.
Nakuha sa mga suspek ang P206 pesos nga ginapatihan bet money ukon “taya” subong man ang tatlo ka coins nga amo ang ila gina-gamit sa paghampang sang tumbo.
Sa karon ang mga suspek nagapanimuron sa custodial facility sang Police Station 2./dyHB BACOLOD
