CADIZ CITY, NEGROS OCCIDENTAL – Nadakpan sa ginpatigayon nga buy bust operation sang PDEA kag sang Cadiz City Police Station ang isa ka empleyado sang Cadiz City Hall.
Pasado las 2 kahapon sang hapon ginpatigayon ang buy bust sa Purok Sampaguita, Brgy. Banquerohan kag nadakpan ang suspek nga si Darwin Encarquez, 37 anyos ang edad, pumuluyo sang Andrea Vilage, Brgy. Zone 2 Cadiz City.
Ginpahayag nga si Encarquez ang naga-trabaho sa city hall sang Cadiz bilang isa ka Metro Aid 2.
Suno sa Cadiz Police Station, nakuha halin sa suspek sa ginpatigayon nga buybust ang 9 tanan ka plastic sachet sang suspected shabu, marked money, isa ka cellphone kag isa ka motorsiklo.
Sa karon detained na sa custodial facility sang Cadiz Police Station ang suspek kag natalana nga pasakaan sang kaso violation sang Republic Act 9165./dyHB
