General Santos City—Dakpan sa tropa sa San Isidro Police Station ang usa ka may warrant of arrest nga si Daniel Perez, 55 anyos, ug residenti sa Perez Subd., Barangay San Isidro, Gensan alas 5:10 ang takna sa buntag kagahapong adlawa, June 26, 2018.
Nasikop ang nasangpit pinasikad sa warrant of arrest sa kasong attempted murder nga may criminal case no. 17-28829 nga gipagula ni Hon. Judge Jose Blanza Jr., sa RTC Branch-32, pinitsahan ug Dec. 4, 2017 nga may girekomendang pyansa nga P120,000.00.
Gikaingong wala na mipalag ang suspek dihang gipakita kaniya sa kapulisan ang warrant arrest sa kasong iyang giatubang.
Sa kasamtangan ang nasangpit pabiling balhog sa silda sa Police Station 4 ug commitment order nalang ang gipaabot aron nga mabalhin ang nasangpit sa Gensan City Jail.
