Ipiglatag kasuodma ni Alkalde Nelson Legacion kan Ciudad kan Naga ang nagkakapira pang mga darakulang proyektos arog kan mga eskwelahan na mawot niyang mahaman sa laog kan sa iyang primerong termino.
Si Legacion nagpahayag kan bagay na ini kasunod man kan groud-breaking ceremony kasuodma dyan sa Barangay Sta. Cruz na iyo an kamumugtakan kan Naga City Health Office 2 asin man kan Sta. High School na susog sa City Hall asin DepEd, dapat magamit na ang enot na building sa Hunyo ngunyan na taon.
Sinabi pa ni Legacion na apuera kan eskwelahan dyan sa Barangay Sta. Cruz, nagkakapira pang mga eskwelahan ang mawot niyang muknaon sa nagkakapira bang barangay sa Ciudad kan Naga na kababalehan kan dagdag na 6 na High Schools at 2 elementary schools kung saen ang darakulang pondo na kaipuhan magigikan sa manlaing-laing ahensiya kan gobyerno national. Partikular na sinabi ni Legacion ang mga proyektong hospital asin mga bypass roads na gigibuhon sa laog kan Naga City.
