BACOLOD CITY, NEGROS OCCIDENTAL – Attempted rape kag pag-molestiya natabo sa duha ka separado nga insidente sa ciudad sang Bacolod kag banwa sang Murcia kahapon.
Ang una nga insidente natabo may mga las 7:30 kahapon sang aga sa isa ka barangay diri sa ciudad sang Bacolod kon diin ang biktima isa ka 16-anyos nga high school student.
Suno sa report, ang amo nga estudyante ang buot na kuntani nga magpadulong sa eskwelahan sang iya sini nasugata ang isa ka 46-anyos nga lalaki nga nagasakay sa bisekleta kag hinali na lamang nga ginhikap sang amo nga lalaki ang iya kinatawo.
Matapos ang insidente, gilayon nga nagpalagyo ang suspek sakay sa iya bike samtang tuman naman ang kahuya kag kakulba sang biktima rason ini nagpa-blotter sa pulis upod ang iya iloy.
Samtang, ang ikaduha naman nga kaso ang natabo sa isa ka barangay sa banwa sang Murcia may mga las 6 kagab-i.
Suno sa amay sang 9 anyos nga biktima nga ang iya bata ang pwersa nga ginbutong sang suspek pakadto sa isa ka lugar kag buot kuntani nga himuslan apang nakapalagyo ang iya bata.
Gindala naman sa Corazon Locsin Montelibano Memorial Regional Hospital ang biktima bangud man sang pagpalanakit sang iya lawas matapos pwersa nga ginbutong sang suspek./dyHB BACOLOD
