Sergio Osmeña, ZDN- Walay nakitang foul play ang kapulisan sa lungsod sa Osmeña sa nahitabong paghikog sa usa ka dalaga didto sa may purok Gemelina, Brgy. Biayon, Sergio Osmeña, ZDN niadtong Sept. 9, 2018.
Ang biktima mao si Alyas Gina, 21 anyos, matod pa mga 9:00PM niadtong adlawa kini si Lorechor Tabat, iya nalang nadiskubrehan nga ang biktima nag luhod nag atubang sa dingding ug wala na’y kinabuhi.
Gituohan kining nagpakamatay human nakita ang gibugkos nga pisi sa iyang liog niadtong higayona.
Sa wala pa nahitabo ang maong insidente kining biktima ug si Lorechor, nagkalalis kini sila. Hubog niadtong higayona si Lorechor sa dihang mipauli kini ug mao nalang ang misugat kaniya ang walay kinabuhi nga dalaga.
Sa pakighinabi ning inyong tigbalita ngadto kang PO2 Elbert Castillon Taata, walay nakita nga timailhan nga gituyo ang maong pagpatay. Sa pagkakaron gipahimutang na ang patayng lawas sa biktima sa iyang mga kabanay.
