Pasakaan na karong adlawa sa kasong violation sa Republic Act 9165 kon illegal drug ang usa ka dalaga human nasapon sa drug buy bust operation sa Regional Drug Enforcement Unit kon RDEU niadtong November 2 sa Barangay Kauswagan ning syudad sa Cagayan de Oro.
Ang maong suspek mao si Shela Balibay alias Kayla ug Payla, 22 anyos nga taga Barra, Macabalan ning syudad sa Cagayan de Oro.
Mga alas 4:00 sa hapon niadtong November 2, ang maong suspek nasapon nga nagbaligya sa illegal drug sa Zone 4, Barangay Kauswagan sa usa ka police poseur- buyer.
Nakuha gikan sa kamot sa maong suspek ang usa ka pakite nga suspected SHABU nga mokabat sa 20 grams ug dunay market value nga dos mil pesos.
Lakip sa nakuha sa mga police gikan sa maong suspek ang 500 pesos nga buy bust money ug ang iyang cellphone.
Ang maong suspek gi-detain sa Makarlika detention Cell samtang nagpa-abot sa kasong ipasaka batok kaniya karong adlawa sa City Prosecutors office.
