Kumpirmadong gitabangan og lugos ang usa ka dalagita nga nagpuyo sa usa ka lungsod sa esteng bahin sa Misamis Oriental.
Kini ang gipahibalo ni Police Senior Insp. Arlyne Ranario, ang Spokesperson sa Misamis Oriental Provincial Police Office.
Nasayran nga giimbita ang biktima sa iyang uyab, kung asa anaa usab sa maong dapit naghulat ang mga barkada niini.
Gipangita pa ang biktima sa iyang mga paryente human nga wala kini makauli apan mao na lamang ang ilang nasayran nga gitabangan na kini og lugos.
Tungod niini, na-trauma ang biktima kinsa gipailawom na sa medical examination.
Gituhoan usab nga ubos sa impluwesya sa ilegal nga druga ang mga batan-ong milugos sa biktima, kinsa andam kasohan sa pamilya sa dalagita.
Facebook Comments
