Manila, Philippines – Timbog ang dalawang indibidwal matapos ang magkakasunod na operasyon ng pulisya sa Taguig City.
Unang naaresto ang 36-anyos na si Reynan Benemerito, tubong Cebu City at kasalukuyang residente ng P. Binay St., Brgy. Bangkal sa lungsod ng Makati.
Nagsasagawa ng Oplan Sita ang mga pulis sa Cayetano Blvd., corner Bantayan Road, Palingon-Tipas, Taguig City, nang mahulihan si Benemerito ng isang sachet ng hinihinalang shabu.
Samantala, nadakip naman sa isinagawang foot patrol ng mga awtoridad ang 45-anyos na si Orlando Dullas sa Kalayaan St., Brgy. Ususan ng naturang lungsod kung saan nahulihan din umano ito ng isang sachet ng droga.
Sina Benemerito at Dullas ay kapwa nahaharap sa kasong paglabag sa RA 9165 o Comprehensive Dangerous Drugs Act of 2002.
DZXL558, Mike Goyagoy
