*Cauayan City, Isabela- *Arestado ang dalawang lalaki matapos magpositibo sa inilatag na drug buy bust operation ng mga otoridad pasado alas syete ng gabi, May 20, 2019 sa Zipagan St., District 1, Cauayan City, Isabela.
Kinilala ang dalawang suspek na si John Carlo Amigo, 20 anyos, binata, residente ng District I, Cauayan City, Isabela at ang 17 anyos na itinago sa pangalang “Jomar” na residente naman ng Zipagan St., District I, Cauayan City, Isabela.
Sa nakuhang impormasyon ng 98.5 iFM Cauayan, nahuli ang dalawang suspek nang makatanggap ng sumbong ang himpilan ng Cauayan City Police Station hinggil sa pagbebenta ng mga suspek sa ipinagbabawal na gamot kung saan positibong nakabili ang isang poseur buyer kay Patrick ng dalawang sachet ng hinihinalang shabu.
Narekober naman sa pag-iingat ng menor de edad ang limang daang piso na marked money.
Dinala na sa himpilan ng Cauayan City Police Station ang dalawang suspek para sa kaukulang dokumentasyon at disposisyon.
