Rolly daligdig, miangkon nga adunay direktang kontak ngadto kang Police inspector Edison Albiar, kini ang gibutyag ni Daligdig sa nahimong pagdungog kagahapong adlawa didto sa kaulohan.
Matod pa, mikontak si Albiar kang Daligdig aron sugaton kini sa lugar nga nahimutangan niini, human nga nagtago-tago kini tungod sa pagpatay sa iyang mga kaubanan.
Butyag pa ni Rolly Daligdig, buot siya nga sugaton sa mga tawo ni Albiar aron tagoan didto kang kernel Maclang nga atua matod pa sa kauluhan, apan wala kini nagpakita tungod sa kahadlok nga basin tipion siya.
Sa nahimong pagbinaylo-ay ug text ug tawag nila ni Daligdig ug Albiar, gibutyag matod pa ni albiar ngadto kang Daligdig nga ang nagpapatay sa iyang mga kauban sila si Jury Rocamora ug Roy Bertudes apan hugtanon nga gihimakak ni Albiar ang maong alegasyon.
Nagtuo si albiar dili tanan nga gibutyag ni Daligdig tinuod, ilabi na wala niya nakita ang numero nga gigamit matod pa sa ilang pagkontakay ni Rolly Daligdig.
Sa laing bahin, gihimakak ni kernel Maclang nga siya ang gasugo kang Albiar nga kuhaon si Daligdig aron tagoan, tungod kay wala na sila’y kontak sugod nga nahawa siya sukad niadtong 2013.
