Gibana-banang anaa na sa 5.5 milyon pesos ang natalang damyos sa hitabong sunog sa Brgy. Ubaldo d. Laya ning dakbayan niadtong nakalabay’ng adlaw nga mi-ugdaw sa dul-an usa ka gatus ka mga panimalay.
Base sa datos gikan sa City Disaster Risk Reduction and Management Office (CDRRMO) misaka na ngadto 170 ka mga pamilya ang natalang apektado sa sunog nga adunay 596 ka mga dependents.
Gikumpirma usab sa ICDRRMO ang pagkamatay sa usa ka LYDIA PALARCA 58 anyos, nga lakip napaig sa hitabong sunog samtang tulo na ang natalang nasamdan.
Nagpabilin karon sa Barangay Gym ang 101 ka mga pamilya samtang midangop sa ilang mga paryente ang uban pang mga nasunogan.
Padayon usab karon ang imbestigasyon sa Bureau of Fire Protection (BFP) kon unsay sinugdanan sa sunog sa nasangpit nga lugar.
