Ang okra mao ang usa ka gulay nga kasagaran nato ginasagol sa nagkalain-laing putahi sa lutuonon nga gulay, pwede kini pangsagol sa gisa, tinunuan, sabaw labi na kung law-oy og uban pa.
Mao kini siya ang kolor green nga taas og talinis sa tumoy, dunay liso sa sulod og danlog ang maong duga niini.
Makita lang kini sa maski asang parte diri sa pilipinas tungod dali lang kining itanom masking likod lang sa inyong balay makatanom na kamo og okra maski og pasagdan lang kini.
Daghan pa usab makuha nga benipisyo dili lang sa bunga sa okra pati pod ang dahon, bulak og ang ugat niini.
Tungod usa sa mga dali lang makita nga gulay ang okra atoang mahibal’an kung unsa ang mga benepisyo niini pag-abot sa pagpaayo sa mga kondisyon o sakit sa tao.
1. SORE THROAT
· Ang pagkaon og okra kung duna kay sore throat makatabang aron mapadanlog ang imohang tutunlan og makuhaan ang sakit nga imohang mabati tungod sa danlog sa maong gulay.
2. SYPHILIS
· Ang impeksyon sa bacteria sa imohang kinatao mahimo kini nga hugasan sa tubig nga gihumulan sa ugat sa okra.
3. SAMAD
· Nindot pud nga pangtambal sa samad ang dahon sa okra. Dukdokon lang kini og ipilit sa samad aron matabangan ka nga maayo kini dayun.
4. KALINTURA
· Ang pagkaon sa sinabaw nga okra maoy makatabng sa usa ka tao nga dunay taas kaayo nga kalintura, mapaubos usab sa ugat okra ang temperatura sa tao nga dunay taas nga kalintura. Lagaon lang ug ipainom sa may sakit.
5. VARICOSE VEIN
· Ang mga nanglutaw nga ugat sa imohang mga tiil o maski asa nga bahin sa imohang lawas mamahimo kanang mawala pinaagi sa pag-inom og nilaga nga ugat sa okra.
6. PULMONYA
· Epektibo usab ang pag-inom sa gilaga nga dahon og bulak sa okra aron matambalan ang sakit nga pulmonya.
7. PAGSAMAD-SAMAD SA PANIT
· Makatabang usab ang gidukduk nga liso sa okra sa mga samad-samad sa panit. Isagol lang kini sa gatas og ipahid sa panit nga dunay samad-samad.
8. PAGLIBANG
· Para pod sa kondisyon nga maglisud og pagawas sa hugaw, isagol lang ang lapot nga duga sa okra sa tubig og inumon kini.
9. LISUD NGA PAG-IHI
· Inomon ang gipabukalan nga bunga sa okra aron makatabang sa pag-ihi.
10. RAYUMA
· Ginagamit sa kondisyon nga rayuma ang gipabukalan nga ugat sa okra og mao kini ang imnon.
Pahibalo;
Ang mga tambal nga mga tanom mao usahay makatabang sa nagka-lain laing sakit apan kadaghanan niini wala pay igong basihan sa mga espesyalista.
Dili tanan makatabang kini sa usa ka tao nga dunay gibati sa mga nasulti nga mga sakit apan dunay pipila nga nahimong epektibo sad kini sa ilaha.
Pareha sa ubang mga tambal, mas maayo nga ipangutana kini sa inyong doctor kung pwede ba nga gamiton kini aron remedyo sa inyong mga sakit.
Apan mga idol, duna pa ba kay nahibal’an, i-comment lang kana sa baba.
Para sa Tip Ni Luningning ug uban pa, paminawa ang programang “u&i” 9pm-12mn sa 93.9 iFM Davao.
