RMN Laoag – Nangipaay ti Department of Agrarian Reform (DAR) ti naruay a titulo ti daga para kadagiti kakabsat a mannalon iti Ilocos Norte.
Indauloan mismo daytoy ni DAR Secretary Atty. John Castriciones, kaduana ni Provincial Agrarian Reform Program Officer Engr. Vic Ines. Segun ti sekretaryo, immabot ti 711 ti nagbalin a beneficiaries iti Ilocos Norte iti daytoy a tawen, katukad met ti 408 nga ektarya ti daga.
Nayun pay ni Castriciones nga adda pay ti Executive Order Number 75 ni Presidente Rodrigo Duterte a mangipaay ti government-owned lands kadagiti mannalon a karaman itan iti agrarian reform program.
Napalaus met ti ragsak dagiti partisipante iti imbalikas ni Castriciones, impalgakna ngamin a mabalinda pay a bumulod wenno umutang ti kwarta nga umabot ti 50 a ribo a pisos, nga adda laeng 6% interest per anum wenno tallo ribo iti makatawen ti tubona.
Innayun pay ti sekretaryo nga adda pay ti housing project ti ahensyada a mabalin nga gun-oden dagiti kakabsat a mannalon tapno puminpintas pay ti panagbiagda ken saanda a maidumduma ti kaadoan.
Bernard Ver, RMN News
