Daraga gin-aaligar gin rape, gintultog pa hin bato an ulo, patay

2453

TACLOBAN CITY – Gin-aaligar gin rape, gintultog hin bato an ulo ngan pinatay an usa nga 22 anyos nga babayi ha Sitio Bagatoon 2, Brgy Rizal, Kananga, Leyte.

Nahikit-an an patay nga lawas hini han mga residente ha nasabi nga lugar dida han sabado alas 10:00 han aga, April 13.


Subay han report tikang ha Philippine National Police (PNP) ha Kananga, nagtatrabaho ha J&F mall an biktima ngan residente ha nasabi nga lugar.

Nagawas ha inisyal nga imbistigasyon han mga otoridad, naa-alarma na an pamilya han biktima tungod nga waray pa ini umuli ha ira panimalay ha pirmi nga oras nga pag-uli hini.

Kinabuwasan, nahikit-an na an patay nga lawas han biktima pira la ka-kilometro an kahirayo ha ira panimalay, kita an pribado nga parte han iya lawas ngan mayada sapit nga dako nga bato ha iya ulo nga may mga dugo.

Nakumpiska han mga otoridad an gamit han 22 anyos nga biktima sugad han cellphone, P2,700.00 cash ngan bag.

Magdudumara hin test an PNP kun ginlugos an biktima.

Padayon an gindudumara nga imbistigasyon hini nga insidente.

Facebook Comments

From Advertisers