Miatras si kanhi Konsehal Lourdes Candy dela Rosa Darimbang sa iyang kandidatora sa pagka Mayor sa sunod tuig nga eleksyon nga gitakda sa Commission on Elections o Comelec.
Kini basi sa iyang gipasa nga statement of Withdrawal sa City Comelec mga alas 4:18 kagahapon sa hapon.
Sa iyang statement of withdrawal, walay rason si Darimbang ngano nga mi-atras siya sa iyang kandidatora sa pagka mayor ubos sa Partido Federal ng Pilipinas.
Wala usay puli si Darimbang human mi-atras sa iyang kandidatura.
Si Darimbang nag-file sa iyang statement of Withdrawal kagahapon atol sa deadline sa Comelec alang sa tanang kandidato sa pag-atras ug pag-substitute sa ilang mga kandidatura.
Lakip sa mi-tras sa ilang kandidatora silang Esterlina Dal, Merlyn Magsalay ug Edgar Llagas nga polos kandidato ni Darimbang sa pagka konsehal ubos sa Partido Federal ng Pilipinas.
Apan si Engineer Roger Tulod nga taga Barangay Cugman nag-file sa iyang Certificate of Candidacy via Substitution.
Si Tulod, maoy puli ni Llagas human si Llagas miduso sa iyang statement of withdrawal sa Comelec mga alas 2:10 kagahapon sa hapon.
