Laoag City – Pabor ni dati nga DILG Secretary Rafael Alunan iti akdang ni Presidente Rodrigo Duterte ti panagsubli manen ti ‘death penalty’ iti pagilian. Daytoy ti impalgakna iti panagbisitana ditoy probinsya (Ilocos Norte).
Kinuna, a naitiempo daytoy a banag a panangsubli ti dusa a patay gapu ta umad-adon ti bilang a krimen iti pagilian. Innayunna a dakkel a tulong daytoy tapnu saanen a maulit-ulit dagiti agkakapada a krimen kangrunaanna iti illegal a droga.
Innayunna pay a dumakdakkel pay ti bilang ti “crime against poverty” kas kuma kadagiti corrupt nga opisyal iti gobierno a mangdadael iti dignidad iti kaaduan a Pilipino. Masapol kunana a mairaman met a madusa ti patay dagitoy nu maduktalan ti panaglabsingda ti linteg.
Kasta pay a pabor ni Alunan iti pannakasubli ti ROTC iti kolehiyo ngamin ta patienna a makatulong daytoy iti pwersa ti armada ti Pilipinas, nangnangruna iti terorismo a mapaspasamak iti abagatan a paset ti pagilian.
Bernard Ver, RMN News
