Manila, Philippines – Itinalaga bilang bagong commander ng 1st Infantry “Tabak” Division ng Philippine Army ang dating Presidential Security Group Commander na si BGen. Rolando Joselito Bautista.
Pinalitan ni Bautista si BGen. Gerardo Barrientos Jr. na nagretiro sa mandatory retirement age na 56 years old nitong nakalipas na March 22.
Si Bautista ay miyembro ng Philippine Military Academy (PMA) “Sandiwa” Class 1985.
Pumalit naman sa pwesto ni Bautista bilang bagong PSG commander si Col Lope C Dagoy.
Si Dagoy, ay miyembro ng PMA “Hinirang” Class 1987 bago ito siya ay Senior Military Assistant to the President.
Kaugnay nito nagpasalamat naman si Bautista kay Philippine Army Chief Lt. Gen. Glorioso Miranda sa pagtitiwalang ibinigay sa kanya dahil sa bagong posisyon
Ang Tabak Division ay ang grupong itinalaga para matiyak ang pagkakaroon peace and development sa Zamboanga Peninsula, at Lanao.
Isinagawa ang change of command ceremony sa Camp Major Cesar L Sang-an Pulacan, sa Labangan Zamboanga Del Sur.
