Gihingusgan sa Diamond Transport Service Cooperative (DATSCO) nga dili kolorom ang 15 nila mga unit nga nagdagan ug namasada sa mga rota dinhi sa rehiyon sa Caraga luyu sanglit gitagaan sila’g Special Permit gikan sa Land Transportation Franchising and Regulatory Board (LTFRB).
Kini ang tubag ni Evads Lawengko, ang Presidenti sa DATSCO sa interview sa RMN DXBC Butuan human nakasugat ug disgrasya ang usa nila ka unit didto sa lungsod sa Buenavista, Agusan del Norte kung asa nadiskobrihan sa traffic investigator sa Buenavista Municipal Police Station nga pribado ang maong unit ug wala kini gikapakita nga prangkisa.
Sa mao usab nga insidenti pakyas nga nakapakita sa OR/CR ang driver niini nga si Jobar Dumaplin, 26 anyos, ulitawo ug residenti sa Purok 16, Brgy. Upper Doongan ning syudad sa Butuan.
Sigun ni Lawengko nga dili lang DATSCO ang walay prangkisa kondili lakip ang tanang mga sakyanan de pasaheroan nga nagdagan karon sanglit mao man ang gipatuman sa LTFRB niining panahon sa pandemya.
Tungod sa gahum sa special permit dili matawag nga kolorom ang ilang mga unit tungod kay aduna kini pagtugot sa LTFRB.
Subay niiini giklaro ni LTFRB Caraga Regl Director Ma. Cristina Cassion nga wala pa nag-release ug prangkisa ang ilang buhatan sa pagkakaron. See Less [image: DASTSCO.jpg]
