Sa dili pa mahuman ang adlaw karon, Mayo 14, posibleng maproklamar na ang kadaghanang mga modaug sa eleksyon sa Barangay ug Sangguniang Kabataan o S-K Elections.
Matud ni Commission on Elections Spokesman James Jimenez, gilauman sa COMELEC nga mayorya sa mga modaug sa eleksyon, maproklamar na pag-abot unyang tungang gabie.
Gibutyag ni Jimenez nga kapin 57.37 milyon ang rehistradong botante alang sa barangay samtang kapin 20.62 milyon ang botante sa S-K.
Matud usab ni Interior and Local Government Undersecretary for Barangay Affairs Martin Diño nga nag-deploy ang Philippine National Police sa 80 porsiyento sa 190-thousand ka strong force aron masiguro ang kamalinawon sa eleksyon karong adlawa.
Gisiguro usab ni Diño sa publiko nga tanang law enforcement agencies ang naka alerto alang sa eleksyon.
