Davao City – Mas gipalapdan karon ang balaod bahin sa human-trafficking dinhi sa syudad sa Davao.
Atol sa regular session sa 18th City Council karong adlawa, gi-aprubahan sa third and final reading ang pagpahugot ug striktong pagpatuman sa R.A. 9208 nga gi-amyendahan ug gipalapdan sa 10364 kun Expanded Anti-Trafficking in Persons Act of 2012.
Samtang sa priviledge speech ni Davao City Councilor Avegayle Dalodo-Ortiz, gibutyag niini nga gikaalarma sa ilang komitiba ang padayong pagtaas sa kaso sa pagpanglugos matag tuig base sa statistics diin ang syudad sa Davao ang adunay pinakataas nga natala nga kaso sa tibuok nasud Pilipinas.
Subay niini nagpulong ang Committee on Women and Children, Committee on Peace and Order & Public Safety lakip ang Committee on Education gumikan sa maong problema diin na sabutan ang pag-organisa sa Multi Agency Consultative Meeting aron masuta ug malikayan ang pagpangbiktima ilabi na sa mga bata.
Atol sa maong meeting migula ang lain pang mga legislative actions sama sa pagmontar og Children and Women’s concern unit sa tanang Health Centers ug sa tanang DOH Hospitals kun ang Dort Administrayive Order 1-B, pagdeklara sa bulan sa Abril isip Children and Women Protection Month ug ang resolusyon sa pagpirma sa City Mayor og MOA kun memorandum of agreement sa Department of Education nga makigpartner sa City Legal Office sa pagpanghatag og asistensiya sa mga child abuse incidents.
Gani ang nasangpit nga suhestyon gihisgotan na sa first reading sa konseho ganinang buntag.
RadyoMaN Jason Amisola
