Davao City – Tulo ka mga condominium buildings sa Magallanes, ning dakbayan ang girekomendang pabakwiton ang mga nagpuyo tungod kay ipailawom kini sa pagrepair human nakita sa gihimong inspection nga daghang mga liki ang maong gambalay human sa sunod-sunod nga linog nga nasinatian sa rehiyon.
Sumala ni Engr.Cirinia Grace Catubig, Acting City Building Official, dili kini pwedeng puy-an hangtud dili matapos ang pag-repair kay gideklara na nga dili safety ang building.
Matud ni Catubig, adunay walo ka mga condominiums nga gipailawom sa ‘red code’ bout ipasabot pabakwiton na ang mga nagpuyo kun immediate evacuation aron masugdan ang repair kun ‘seismic retrofitting’ samtang tulo ka mga private schools subli na karong magamit human na-repair.
Samtang giklaro usab ni Catubig nga nagpadayon usab karon ang inspection sa mga condo nga wala pa matapos ang pag-trabaho ug wala pa gipapuy-an.
Gidugang usab ni Catubig nga tulo ka mga malls denhe gipailawom na sa ‘yellow code’ kun immediate repair and retrofitting nga nagpadayon pa hangtud karon.
RadyoMan Bernard Pantallon
