Davao Checkpoints: QR code inspection gisugdan na

262

Davao City – Gi-awhag sa Task Force Davao (TFD) ang publiko nga magbaton na og SafeDavao QR (DQR) labi na ang mga indibidwal nga musulod sa syudad Davao.

Kini human nga gisugdan na ang pag check sa DQR sa mga entry points sa dakbayan niadtong Martes (Nobyembre 24, 2020)


Gibutyag ni TFD Commander Consolito Yecla nga aduna nay pito (7) ka mga personahe nga adunay QR Code scanners ang gi-assign sa mga entry point sa Lasang, Sirawan, ug Lacson checkpoint aron nga dili usab madugay ang scanning sa QR codes.

Hinuon, giklaro ni Yecla nga wala pa gi-require sa checkpoints ang DQR sa pagkakaron samtang nagbaton pa og pilot testing sa sistema, apan kung mahimo magbaton na og QR Code aron dili na malangay sa inspeksyon.

“We remind everyone that the DQR is only for essential travel. They can still be denied entry even if they have DQR if their movement is not essential and without proper documents,” tataw ni Yecla.

Tumong ug tuyo sa DQR mao ang pagpalapad sa contact tracing alang sa Coronavirus Disease 2019 (COVID-19) cases ug aron ma-monitor ang non-essential movements sa katawhan.




RadyoMaN Kirby Manzon

Facebook Comments