Davao City – Ang dakong suporta sa kagamhanang lokal maoy nahimong susi aron subling ilhon ang siyudad sa Davao nga nagtenir sa ‘Best Disaster Risk Reduction Management Council’ sa tibuok Pilipinas ug Most Child-Friendly City for Highly Urbanized Category busa ‘Hall of Famer’ na ang dakbayan.
Busa gidayeg ni founding chairman sa United Leaders Advocators of Davao Del Norte Kabataan Dr. Faith Prieto ang lideraro ni Mayor Inday Sara Duterte-Carpio gumikan sa suporta niini sa mga programa sa disaster resiliency and management ug priorities alang sa kalamboan sa mga kabataan.
Sa obserbasyon ni Prieto, ang dakong gugma sa mga opisyal sa lokal nga gobyerno ug pagsuporta sa mga Dabawenyo ang pinaka-sekreto sa padayon nga pangharos sa siyudad sa prestihiyosong pasidungog ug kadaugan subay sa disaster preparedness ug sa mga programa sa kabatan-onan.
Nanghinaot si Prieto nga magsilbi nga inspirasyon ug maayo nga sumbanan ang Davao City sa natad sa mga programa nga may kalabotan sa disaster preparedness ug adbokasiya alang sa kaayohan sa mga kabataan dili lang sa Mindanao apan mukuyanap pa sa tibuok Pilipinas.
RadyoMaN Joel Viray
