Kwarta nga alang sa Christmas party sa Post Office region 10, gikawat.

Nadala sa wala mailang mga kawatan ang singko mil pesos nga kwarta sa Post Office 10 ning syudad, human kini gikawat.
Nasayran nga ang maong kwarta gisulod sa gamay nga box bank nga alang unta sa umaabot nga Christmas party.
Matud sa Divisoria Police Station, nga mireport kanila ang postman nga si Jonathan Labial isip representante sa maong buhatan.
Samtang nadiskobre nga gipugos pagguba sa wala mailang mga responsable ang dingding nga bahin sa maong buhatan gamit ang martilyo ug dihang nakasulod na ang mga suspek, gikuha gilayon niini ang gisudlan sa kwarta.
Matud usab sa gwardya nga si Marlon Roxas, kinsa naka-duty niadtong higayona ang wala nasayod sa maong panghitabo.
Sa karon padayon pang giimbistigahan sa kapolisan sa Divisoria ang maong insidente.
By: Radyoman Aiza Enloran, and Ellah Baculio

Facebook Comments