Davao City- Agig pagpakita sa suporta sa mga plano ni Davao City Mayor Inday Sara-Duterte Carpio, segurohon sa Davao City Council nga himuong prayoridad ang mga gihanyag sa Mayor nga mga ordinansa atol sa pamahayag niini sa State of the City Address kun SOCA kagahapong adlawa.
Kini ang gisulti ni Majority Floor leader Davao City Councilor Bernard Al-ag atol sa interview sa DXDC RMN Davao diin human niya nadungog ang pamahayag sa Mayor sa gipahigayong SOCA, malipayon siya tungod dunay klarong direksyon ang alkalde alang sa kaayuhan sa mga dabawenyo.
“This is very good for our city, kay kabalo na ta asa ta padulong, in terms of transportation, nindot iyang plano, in terms sa atong led lights, education and health care, we will see to it nga tanang gi-request ni mayor nga legislation, himuon namo nga priority,” segun ni Al-ag.
Kasamang Renelyn Barbarona
