Davao City Fire District: Casualties sa mga sunog alarming

55

Davao City- Gikonsidera sa Davao City Fire District nga alarming ang walo na ka mga namatay sa sunog sa dakbayan sa Davao sukad Enero 2021.

Sa eksklusibong interbyu sa RMN Davao kang Fire Chief Inspector Alex Pamaybay, hepe sa Davao City Fire District, tungod sa mga natalang mga casualties nagpakanaog kini’g mando nga pakusgan ang kampanya sa komunidad ilabina sa mga residential areas diin sagad nahitabo ang mga sunog.


“Alarming siya considering mga residential houses ang mga na-involved. Nagpakanaog ko’g memorandum sa tanang mga fire stations nga strengthen nila ang OPLAN Ligtas Pamayan,” matud niini.

Gibutyag ni Pamaybay, dili na gyod ma-inspect sa BFP ang sagad sa mga balay ilabina kung natukod na kini, gawas na lang kung mureport kanila ang mga tagbalay aron masuta gayod ang linya sa kuryente.

Nagpahimangno si Pamaybay sa publiko ilabina karong pandemya nga magdoble igmat aron malikayan ang sunog ug dili ibabad ang mga appliances aron dili kini mag-overheat ug ang mga linya sa kuryente susihon kini.

Subay niini, nasayran nga electrical short circuit due to electrical overload ang linya sa kuryente sa panimalay sa may San Juan Phase 1 Laverna Hills, Brgy Buhangin nga nikalas og 4 ka mga kinabuhi ug 4 usab ang mga nangaangol alas 3:45 sa kadlawon adlawng Lunes.




“Previously (Dominggo) nakatimaho na daw na sila og mura’g sunog na wire gani ug wala nila gi-mind,” segun niini.

RadyoMaN Aimee Guinita

Facebook Comments