Davao City – Luyo sa pagtaas sa kaso sa Coronavirus Disease 2019 (COVID-19) sa syudad sa Davao, gikalipay gihapon sa health official ang pagtaas usab sa recoveries gikan sa balatian.
Gipasabot ni Dr. Ashley Lopez, Department of Health (DOH) Davao City Health COVID-19 focal person sa interbyu sa city-owned radio, gibutyag niini nga nagbaton karon og kapin 80% recoveries ang dakbayan, mas taas kung itandi sa ihap sa nakarekober sa milabay nga bulan.
“If you look at the data, nagataas pud ang atong recoveries because in the previous month, we have about 65-70% recoveries. Karon, nisaka na ‘ta og 81.7%,” butyag ni Lopez.
Samtang, gipahimangno ni Lopez nga posible’ng magpadayon o mutaas pa ang COVID-19 cases sa syudad epekto sa post-holiday surge sa ikatulong semana karong Enero o midweek sa Pebrero.
RadyoMaN Kirby Manzon
