Davao COVID-19 TF: Pagbalik sa RT-PCR requirements sa local flights gitun-an

Davao City – Girekomenda karon sa Coronavirus Disease 2019 (COVID-19) Response Cluster ug sa Health Cluster sa Davao City ang pagbalik sa RT-PCR (Reverse transcription-polymerase chain reaction) test isip requirement sa local interzonal flight travelers.

Sumala ni Dr. Michelle Schlosser, Spokesperson sa Davao City COVID-19 Task Force (TF) sa interbyu sa city-owned radio, gikonsidera ang maong air restriction tungod sa hulga sa Omicron COVID-19 variant nga mas paspas nga makatakod sa tawo.

Apan gipasabot ni Schlosser nga padayon pa kining ginatuki sa COVID-19 TF ilabina nga anaa ilawom sa COVID-19 Alert Level 2 ang syudad, diin sa maong alert level subay sa Inter-Agency Task Force (IATF), walay restrictions sa interzonal or local/domestic flights.

“Gi-discuss na ang pagbalik sa RT-PCR test for local travels pero wala pay finality ani kasi we have also to marriage the IATF Alert Level na guidelines kasi we are under Alert Level 2,” sulti ni Schlosser.

Sa pagkakaron, nagpabilin pa lamang nga rekisitos ang negative RT-PCR test alang sa mga international travelers pasulod sa Davao International Airport (DIA).

RadyoMaN Kirby Manzon