Davao City – Gihisgutan ug padayon karong gitun-an sa Davao City COVID-19 Task Force (TF) kauban ang Sports Division kabahin sa pagtugot sa contact sports sa syudad sa Davao.
Matud ni Dr. Michelle Schlosser, Spokesperson sa Davao City COVID-19 TF (sa interbyu sa city-owned radio), daghang mga butang ang kinahanglang ikonsidera una tugotan ang maong aktibidad.
Matud ni Schlosser, angay magbaton og guidelines kung unsaon kini pagpatuman ilabi na nga adunay mga protocol nga dili applicable sa contact sports sama sa social distancing ug pagsuot og face shield sama na lang sa Basketball.
“We are considering a lot of things before i-approve sa COVID Task Force ang contact sports. So with that, naa pa ‘ta sa dialogue process. Naa pa ‘ta sa constant na pag-study,” sulti ni Schlosser.
Una na usab nga gibutyag ni Mikee Aportadera, Davao City Sports Coordinator, nga ginapinalisar pa ang mechanism ug general guidelines alang sa contact sports, ug ginakonsidera ang health experts labot niini.
RadyoMaN Kirby Manzon
