Davao City – Aduna nay biyahe sugod sa Martes (June 9, 2020) ang bus gikan Davao City padulong sa Malita, Davao Occidental ug vice versa.
Sa interbyu sa DXDC RMN Davao kang Aiza Usop, manager sa Davao City Overland Transport Terminal (DCOTT) gibutyag niini nga aduna nay bus companies nga nahatagan og special permit sa Land Transportation Franchising and Regulatory Board (LTFRB) aron mubiyahe sa maong bag-ong ruta.
“Sa atoang bag-o nga ruta nga Davao to Malita, ang stop over niya is Santa Maria. Ang nakakuha sa special permit ang ACF ug Nor Beli Jun, padulong ug pabalik sa Davao City. Alas-7 sa buntag ang biyahe,” butyag ni Usop.
Matud ni Usop nga adunay rekisitos nga gi-require ang LGU-Davao Occidental nga mao ang valid ID or barangay certification ingon man forms nga ihatag sa bus operators nga i-fill up sa mga pasahero.
Gitataw sa DCOTT manager nga sundon gihapon sa maong bag-ong ruta ang guidelines nga usa ka biyahe matag adlaw.
RadyoMaN Kirby Manzon
