Davao City – Himuon karong bulana, Hunyo ang training sa mga magtutudlo via online isip pagpangandam sa pag abri sa klase karong Agosto 24, 2020.
Sa One Davao on COVID-19 Virtual Presser pinaagi sa Philippine Information Agency (PIA) Davao Region, gibutyag ni Jenielito Atillo, Spokesperson sa DepEd-XI nga gipadali na usab karon ang paghimo sa module nga magamit isip materyal sa abri-klase ayha ipahigayon ang teachers’ training.
“Ang atoang DepEd central office is in double time in working with all the modules para prepared na ni siya before the training sa atoang mga magtutudlo nga mo-avail ani,” segun ni Atillo.
Una nang gibutyag sa DXDC RMN Davao ni Atillo nga i-implementar ang ginatawag nga blended learning kun pagpahigayon sa klase pinaagi sa online, modular ingon man paggamit sa mga media facilities sa gobyerno sama sa television (TV) ug radyo.
RadyoMaN Kirby Manzon
