Davao City – Walay kausaban ang gipatumang direktiba sa liquor ban sa syudad sa Davao ug magpabiling ikonsumo sa pribadong lugar.
Matud ni Davao City Mayor Sara Duterte-Carpio (sa interbyu sa city-owned radio), walay kabag-ohan sa Executive Order (EO) No. 59 Series of 2021 partikular na sa guidelines sa liquor ban nga gidili gikan ala 1:00 sa kadlawon hangtud alas 8:00 sa buntag.
“There is no discussion yet to repeal or amend the Executive Order, It stays sa pagkakaron ang consumption sa liquor is within the private properties only,” sulti sa mayor.
Subay sa EO No. 59 Series of 2021 sa City Government of Davao, wala gitugot ang liquor consumption sa bars, restaurants, sari-sari stores, palengke (wet market), videoke ug business establishments.
Gidili usab ang pag-inom sa publikong lugar, lakip na sa streets, alleys, pathways ug outside of gates, apan didto lamang i-serve ug i-consume ang ilimnon sulod sa private properties.
Ang modified liquor ban epektibo niadtong October 26, 2021 sugod alas 12:01am hangtud alas 11:59pm sa January 15, 2022.
RadyoMaN Kirby Manzon
