Davao City – Apektado ang trabaho sa usa Overseas Filipino Worker (OFW) sa Japan human nga nagpatuman og nationwide state of emergency tungod sa padayong pagtaas sa kaso sa Coronavirus Disease 2019 (COVID-19) sa nasud.
Sa interbyu sa DXDC RMN Davao kang Jessa Israel, taga Compostela, Davao de Oro nga mag tulo ka tuig nang nagtrabaho sa Kakegawa, Shizuoka, Japan, gibutyag niini nga nagpatuman ang kumpanya nga ilang gitrabahoan og 3-day work per week.
Saysay ni Israel nga wala na usab silay overtime dili susama niadtong wala pa ang COVID-19 pandemic rason nga naapektuhan usab ang ilang sweldo alang sa ilang mga pamilya dinhi sa Pilipinas.
Nasayan nga gibutyag niJapan Prime Minister Shinzo Abe nga mulungtad ang maong state of emergency hangtud sa Mayo 6, 2020.
Kahinumduman nga una nang gideklara sa opisyal ang usa ka bulan nga state of emergency sa pito ka rehiyon niadtong Abril 8 karong tuiga.
RadyoMaN Kirby Manzon
