Davao Online Misa de Gallo 2021 ipahigayon

37

Davao City – Plastada na ang pipila ka mga aktibidad sa Pasko dinhi sa syudad sa Davao ug usa na niini ang himoong Misa de Gallo o Simbang Gabi sa simbahang Katoliko.

Atol sa One Davao on COVID-19 Virtual Presser, gibutyag ni Gatchi Gatchalian, Festival Director sa Davao Pasko Fiesta 2021, adunay himuong online Misa de Gallo alang sa mga Dabawenyo nga dili na moadto sa simbahan ilabi na karong panahon sa pandemya.

Magsugod sa December 16 hangtud sa December 24 ang aktibidad diin kini ang ikaduhang tuig nga magbaton og virtual Misa de Gallo tungod sa pandemic hatud sa Coronavirus Disease 2019 (COVID-19).


“Karong December 16, magsugod na ‘ta (sa) online Misa de Gallo. Mag-live stream ‘ta through our FB, maka-join na mo. Kung dili mo makaadto sa San Pedro (cathedral), kami ang muadto sa inyong mga balay through your phones or gadgets,” saysay ni Gatchalian.

Kahinumduman, sa miaging tuig adunay mga regulasyon nga gipatuman sama sa pagdili sa mga edaran ug mga bata sa pagtambong sa on-site mass kung diin pinaagi na lang sa online aron paglikay sa COVID-19 transmission.

Una nang gianunsyo sa Pasko Fiesta 2021 Festival Director ang mga online competitions nga maghatag og kalingawan ug kasadya sa matag pamilyang Dabawenyo.



RadyoMaN Kirby Manzon

Facebook Comments