Davao City – Temporaryong gihunong sa mga pribadong hospital sa dakbayan sa Davao ang pagdawat og mga pasyente sa Coronavirus Disease 2019 (COVID-19).
Gikanayon ni Davao City Mayor Sara Duterte-Carpio nga ang Southern Philippines Medical Center (SPMC) sa pagkakaron ang bugtong hospital ant modawat sa COVID-19 patients human nga miubos usab ang kaso sa dakbayan.
“Sa hospitals, I understand nag meeting ang mga hospitals and there are less COVID-19 cases karon sa private hospitals. So, ang ilahang arrangement karon is they will switch back to SPMC as the only COVID-19 hospital sa Davao City. So tanang COVID-19 patients will go to SPMC,” sulti sa Mayor.
Matud sa Alkalde, kinahanglan gihapon nga mangandam ang nahisgutang mga private hospitals kung magbaton og spike o surge sa COVID-19 cases.
“Ang ilahang buhaton (private hospitals) is mag andam sila for a surge, that is the only time nga abrihan nila usab ang ilang COVID-19 beds,” dugang sa Mayora.
Dugang ni Duterte-Carpio, padayon karon nga ginaproseso sa City Government of Davao ang request sa Department of Health (DOH-XI) nga dugang mga ekipo alang sa mga pribadong hospital alang sa COVID-19 response, diin kadaghanan sa request labi na sa Davao hospitals gikuha ang pundo sa disaster fund sa lokal nga panggamhanan.
RadyoMaN Kirby Manzon
