Davao City – Dako ang pagtuo ni Davao de Oro Governor, Jayvee Tyron Uy nga makarekober ang rehiyon gikan sa epekto sa Coronavirus Disease 2019 (COVID-19) pandemic pinaagi sa mga intervention ug estratehiya nga gihimo karon sa gobyerno.
Atol sa Davao Region Leg – Virtual Caravan on the Updated Philippine Development Plan (PDP) pinaagi sa National Economic and Development Authority (NEDA)-XI kagahapong adlawa (Mayo 21, 2021), usa sa mga guests si Governor Uy diin gibutyag niini nga sa datos niadtong 2020, anaa lamang sa 7.6% ang contraction o giubos sa ekonomiya sa rehiyon, mas ubos sa 9.6% contraction sa national report.
“I firmly believe that all the challenges brought about by the COVID-19 pandemic made us more resilient. I am therefore exhorting everyone to remain strong in our commitment to contribute for a meaningful and purposive transition to the new normal,” mensahe ni Uy.
Matud ni Uy, ginasunod sa rehiyon ang Davao Regional Development Plan 2017 – 2022 sa mga angayan nga himuon. Samtang, anaa usab ang Davao Region Recovery Program (RRP) nga mitutok sa plano, proyekto ug programa sa pagsegurong dili maghatud sa grabing epekto ang pandemya.
Gipanawagan sa opisyal ang kooperasyon sa matag local government unit (LGU), pribadong sektor ug komunidad aron maangkon ang gitawag nga Matatag, Maginhawa at Panatag na buhay para sa lahat ng Dabawenyo.
RadyoMaN Kirby Manzon
