Davao City – Gikalipay ni Davao City Mayor Sara Duterte-Carpio ang nagkataas nga ihap sa mga turista o langyaw nga nagaadto ug nagabisita dinhi sa dakbayan sa Davao matag tuig.
Sa pamahayag sa alkalde atol sa iyang State of the City Address (SOCA), gibutyag niini nga sa datos sa hotel occupancy report, niadtong bulan sa Hulyo hangtud sa Disyembre sa milabay nga tuig, 2018, miabot ang tourist arrivals sa 1,125,814 nga mas taas sa 1,079,708 sa susamang period niadtong 2017.
Samtang karon nga tuig, gikan sa bulan sa Enero hangtud Hunyo, miabot ang tourist arrivals sa 1,246,288 nga mas taas usab sa 1,167,257 nga ihap sa bisita sa nakalabay nga tuig sa susamang panahon.
“For tourism, hotel occupancy report showed an increase in the number of tourist arrivals in the city,” saysay ni Sara.
Nasayran nga usa lamang ang turismo sa mga kalambuan nga gi-highlight sa alkalde atol sa iyang SOCA.
RadyoMaN Kirby Manzon
