Davao City – Interesado kaayo ang mga lungsuranon ning syudad nga paminawon ugmang adlawa ang mamahimong dugokan sa deliberasyon sa hawanan sa Senate Blue Ribbon Committee sa isyung anomaliya sa Bureau of Customs.
Rason? Gumikan mismong bise-alkalde sa dakbayan Paolo ‘Pulong’ Duterte ug umagad ni Pres. Rodrigo Duterte nga si Atty. Manases Carpio kumpirmadong motambong pinal sa sesyon sa komitiba ni committee chair Richard Gordon haron iyagyag ang tanan nilang nasayran ug tubag sa isyu.
Segun sa mga taga-Davao, excited silang madunggan ang verbatim nga pahayag-tubag sa duruha ka mga iladong Davao personalities sa isyung ‘tara’ kun payola o ‘under-the-table transactions’ haron palutson ang mga contraband items.
Si Wilfredo Tumalon, 35 anyos nga driver sa may Manggahan Toril niingon nga mas maayong ipatin-aw nila ni Pulong ug Mans ang kamatuoran sa maong isyu.
Usaka 49 anyos nga sidewalk vendor giilang si Zenaida Boloto, taga-Barangay 76-A Bucana nagtoong dili makadulot ang mga akusasyon batok sa duha ka mga personalidad nga taga-Davao gumikan sa kakulang sa ebidensya.
Mientras usa ka estudyante nga si Merlien Ren Gorre, 29 anyos nga graduating student sa kursong nursing, residente sa Tibungko Bunawan nagkanayon nga iyang paminawon ug husto ug susihon kun lig-on ba ang mga ebidensyang luwatan sa mga nag-akusar sama ni Sen. Sonny Trillanes.
Kasamang June Duterte
