Davao City – Giklaro ni Davo City Mayor Sara Duterte-Carpio nga dili gina-inbento ug ginapabayran ang QR (Quick Response) Code nga ipatuman sa syudad sa Davao alang sa contact tracing batok Coronavirus Disease 2019 (COVID-19).
Matud sa Alkalde nga wala pay gihatag nga site aron maka-parehistro sa ‘Safe Davao QR’ nga gamiton sa dakbayan ingon man petsa kanus-a mamahimong mandatory ang implementasyon niini.
“Kinahanglang mag-amping ang mga tao sa mga QR CODE FOR SALE, because dili siya ma-imbento ang wala pa ‘ta naghatag sa site asa mag apply og QR Code,” pahimangno sa Alkalde.
Matud ni Mayor Sara nga hatagan og higayon ang tanan nga magbaton og QR Code una kini himuong mandatory alang sa tanan ‘regardless’ sa edad diin basic requirement mao ang valid government ID o birth certificate.
Gibutyag sa Alkalde, kinahanglan usab nga magbaton og QR Code bisan ang mga dili taga-Davao nga mobiyahe dinhi sa syudad aron madali ang contact tracing ugaling aduna kini nakauban nga nagpositibo sa COVID-19.
RadyoMaN Kirby Manzon
