Davao City – Hapsay ug walay natalang krimen sa syudad sa Davao sa unang gabii sa implementasyon sa 7pm-5am curfew.
Gibutyag ni Davao City Police Office (DCPO) City Director Police Col. Kirby John Kraft, gawas sa Quarantine Control Point gipakatag ang Mobile Patrol Unit sa one lane sa kalsada sa pag-intensify sa police visibility ug pagpahimangno sa publiko nga mas gi-estriktohan ang quarantine measures sa pagpugong sa pagdaghan pa sa kaso sa COVID-19.
Gibutyag ni Kraft, mokabat sa 100 ka mga curfew violators ang nadakpan samtang 9 sa Liquor ban.
“Dadalhin natin sila sa station for booking and record purposes and regular filing. Sa ngayon hindi nila mararamdaman iyon pero afer nitong pandemic magkakaron na sila ng mga court hearings so kailangan nila sagutin ito,” sumala ni Kraft.
Namatikdan sa kapolisan nga daghang mga nag-uli nga mga trabahante sa curfew hours ug kini exempted sa curfew, pinaagi pagpresenta og company IDs.
RadyoMaN Aimee Guinita
