Davao City – Mireak ang pipila ka mga dabawenyo sa pag apruba sa Land Transportation Franchising and Regulatory Board (LTFRB) sa 10 pesos minimum nga pamasahe sa mga jeep.
Sa pakighinabi sa DXDC RMN Davao sa usa ka dabawenya nga si Jaycel Villacorte nga taga Toril ning syudad, matud niya nga sabton nalang tungod sagunson na usab ang pagsaka sa presyo sa produktong petrolyo.
Apan wala miuyon niini ang usa ka alyas Kim nga taga Obrero ning syudad tungod dugang usab kini kabug-aton sa pang adlaw-adlaw nga budget gumikan sa pagtaas sa mga nag unang palaliton.
Sa laing pakighinabi usab kang Transmission Piston XI spokesperson Ricardo Baron, matud niya nga usa ka maayong lakang sa gobyerno ang pag apruba sa maong pamasahe sa mga jeep aron maibsan ang mulo o problema sa mga drivers bahin niini.
Samtang sumala sa LTFRB, posibleng ipatuman kini sa unang semana karong Nobyembre diin kahinumduman nga subay kini sa hangyo sa mga transport groups nga dugangan ang pamasahe ug himuong 10 pesos ang minimum fare sa mga jeepney.
RadyoMaN Renz Barbarona
