Davao City – Hitsas na ang Davao City Police Office (DCPO) para sa seguridad sa DAVRAA Meet 2019 karong Enero 27-Pebrero 2.
Matud ni DCPO head P/Senior Supt. Alexander Tagum gi-secured na nila ang tanang mga lokasyon diin pagahimuon ang mga paugnat sa kusog, billeting areas og mga hotels para sa tanang mga delegado.
Gipasidad-an ni Tagum ang tanang mga bisita sa syudad kalabot sa mga existing Davao City Ordinance ang pagdili sa pagpanigarilyo sa pampublikong lugar, sobriety ordinance o bawal ang bisan kinsang indibidwal nga maginom sa dalan, sidewalks, parke, playgrounds ug tanang pampublikong lugar.
Dugang niini hugot nga ginaobserba ang curfew sa mga menor, Anti-Jaywalking Ordinance ug traffic laws.
Gibatbat ni Tagum nga adunay silot nga pagkapriso ug penalties ang mag-bomb joke ilabina sa mga event areas.
Dugang sa hepe nga ilang tugotan ang mga atleta nga mag-dala mga backpacks apan
hugot ang ilahang mga himuong pag-inspeksyon aron masiguradong wala usab kiniy sulod nga mga gidili nga mga butang sama sa deadly weapons, armas ug droga.
RadyoMaN Aimee Guinita
