Davao City – Dili na pwedeng puy-an apan pwede pang tamnan ang pipila ka mga kayutaan sa Magsaysay, Davao del Sur nga unang naapektuhan sa sunod-sunod nga linog.
Matud ni Anthony Allada, Information Officer sa Magsaysay, ang tanang mga ‘forced evacuees’ gi-abisohang magpondo usa sa napulo ka mga evacuation centers gumikan dili na luwas nga puy-an pa ang pipila ka mga lugar sa ilang dapit.
“Kung makita didto nga pwede maumahan, pero kung naay part nga delikado bisan mag-uma, dili i-recommend pero mostly ato pwede pa mubalik sila aron mag-uma pero dili sila i-allow nga didto na magpuyo,” segun ni Allada.
Sa pagkakaron, nagpabilin pa gihapon ang kapin 1,500 ka mga pamilya diha sa mga evacuation centers wala pay labot sa 7,000 nga mga apektadong residenteng gitawag nga ‘non-evacuation residents’ or kadtong nagpuyo haduol lamang sa ilang mga panimalay.
RadyoMaN Renz Barbarona
