Day 77 Krisis Sa Marawi: Katawhan gihangyo nga suportahan ang ‘increased security exposure’

148

Davao City – Gihangyo karon sa Armed Forces of the Philippines (AFP) ang katawhan nga patas-an pa ang atong pasensya sa nagpadayung gubat sa Marawi City ug paluyuhan ang tanang mga pro-active security measures nga gitomar karon sa atong kasundaluhan, kapulisan ug uban pang mga security partners.

Sa regular Mindanao Hour media forum, gibatbat ni AFP spokesperson Brig. Gen. Restituto Padilla nga buot nilang hangyoon ang tanan nga patas-an pa ang ilang pailub sanglit diyutay na lamang nga bahin sa war zone kun ‘less than one square kilometer’ na lamang ang gipailawom karon sa clearing operations sa atong mga pwersa sa conflict areas.


“We wish to ask for everyone’s patience as our soldiers are now concentrating on unexploded ordnance and bomb materials,” segun sa tigpamaba agig klaripikasyon sa gikatahong mga pagbuto sa mga eksplosibo sa silingang mga dapit sa Marawi.

Sa ika-77 diyas sa operasyon kontra Maute terror group, mo-total na sa 528 ka mga bandido natigbak, 45 ka mga sibilyan nakabsan sa kinabuhi ug mototal na sa 1,728 ka mga sibilyan malampusong nasalbar sa mga awtoridad.

Basi sa official records karon sa Task Force Bangon Marawi, mokabat na sa P98.5 million ang nakalap nga cash donations alang sa inisyal nga hinabang ingon man pasiunang rebuilding, reconstruction ug recovery sa lugar nga gilubok ug maayo sa gyera ug binakbakay.

Kahinumdoman nga mismong si Pres. Rodrigo Duterte subling nisaad ngadto sa mga sundalong iyang nahimamat sa frontlines atol sa iyang ikaduhang actual visit sa Marawi nga una siya mokanaug sa Malacañang, tukoron niya ang P50 billion trust fund alang sa pagtungha ug uban pang panginahanglanon sa mga banay niadtong mga bayaning sundalong makabsan sa kinabuhi samtang nanalipod sa seguridad sa nasud.



Gihangyo usab ni Padilla ang katawhan nga likayang sugnoran ug disinformation ang katilingban ilabi na kining gitawag nga mga ‘peace spoilers’ kinsa nagtinguha nga si-akon ang na-establisar na nga maayong relasyon tali sa gobyerno ug sa pundok sa Moro Islamic Liberation Front (MILF).


“The fight against who wish to sow fear and anger is a shared responsibility that must be shared by all,” dugang sa tigpamaba sa armadong kusog.

Kasamang June Duterte

Facebook Comments