First District Rep. Emmanuel Billones Sr., ginasuportahan ang operasyon sang STL sa Capiz

165

Roxas City, Capiz – Suportado ni First District Rep. Emmanuel Billones Sr. ang nagahilapit nga operasyon sang Small Town Lottery ukon STL sa probinsiya sang Capiz. Suno kay Billones nga wala ini sang may nakita nga rasun agud pamatukan ini.

Ginpahayag man sini nga dako ang mabulig sang STL sa probinsya sang Capiz bangud sa ginabayad sini nga buwis kag ginahatag nga charity fund para sa gobyerno nga sarang magamit para sa financial assistance kag pagbakal sang mga kagamitan sa hospital.


Ginklaro man sang opisyal nga ginapamatukan sini ang mga illegal gambling activities sa Capiz bangud wala ini sang may nagakaigo nga permiso nagikan sa gobyerno.

Ginarespeto man sini ang panindugan sang iban pa nga mga opisyal kag mga nagkalain-lain nga sektor nga nagapamatok sang STL kaangay sang Sangguniang Panlalawigan nga magapapasar sang moratorium angut sa operasyon sang Small Town Lottery sang PCSO.
Natalana ang pinakauna nga draw sang STL sa probinsya sang Capiz sa maabot nga Agosto 9, apang ginklaro sang PCSO nga posible mapaiway sang pila ka adlaw bangud ginahulat pa ang iban nga kagamitan nga pagagamiton sa pagpatigayon sang draw.

 

Facebook Comments