Davao City- Posibleng walay madawat nga pinansyal nga ayuda ang gatusan ka mga senior citizens dinhi sa siyudad.
Kini human gi-kwestyon ni Konsehal Danilo Dayanghirang ang giduso ni 3rd District Councilor Wilberto Al-ag nga annual financial assistance nga gitagana alang sa mga senior citizens.
Sa maong resolusyon, ang nag-edad og 60 pataas makadawat og P3,000 kung maaprobahan ang ordinance annual financial assistance nga giduso ni Konsehal Al-ag sa konseho.
Buot sayron ni Dayanghirang kung pila ka milyon ug asa kuhaon ang pundo ug pila ka gatos ka mga senior ang bepenisaryo sa nasangpit nga programa.
Migawas sa pagtuki sa konsehal nga wala diay miagi kang Mayor Inday Sara Duterte ang maong katuyoan hinoon nalatag kini sa buhatan ni City Administrator Atty. Zuleika Lopez kini subay sa pag-angkon sa Office of the Senior Citizens kun OSCA.
Gitino ni Dayanghirang nga dili siya supak nga pagatunolan og financial assistance ang mga seniors basta ang importante adunay pag-aproba sa alkalde.
Gipasabot pa niini, ang konseho igo ra mupasar ug mu-aproba sa resolusyon apan ang paghatag og pundo anaa Kini sa gahum sa local executive butang nga wala mahimo sa buhatan sa OSCA.
RadyoMaN Joel Viray
