BACOLOD CITY – Nagapatigayon sang meeting subong nga adlaw ang Liga ng mga Barangay sa Pilipinas angot sa nagahilapit nga Barangay kag SK election sa bulan sang Mayo.
Suno kay ABC President – Councilor Noli Villarosa nga daku ang posibilidad nga ma-postpone sa gihapon ang barangay election bangud nga prioridad sang Duterte administration amo ang Federalism kag Charter Change.
Sa pagpati ni Villarosa, ang gasto nga P6-7B ang tuman kadako rasun nga dapat idungan nalang ini sa plebisito para sa federalism.
Kon matigayon ang election, ini ang matabo liwat sa sini nga tuig sa bulan sang Oktubre.
Apang, gina-klaro ni Villarosa nga wala man sang problema para sa iya kon madayon ang barangay election.
Ang House of Representatives ang nagduso na paagi sa duha ka mga bills nga ipaiway ang election apang ang Senado sa pihak nga bahin ang nagpabutyag nga wala sila sang interes nga ipaiway ini.
